ਪਟਿਆਲਾ, 21 ਫਰਵਰੀ
ਸ਼ੀਸ਼ ਮਹਲ ਵਿਖੇ 21 ਫਰਵਰੀ ਤੋਂ 2 ਮਾਰਚ 2026 ਤੱਕ ਚੱਲ ਰਹੇ ਪੰਜਾਬ ਸਖੀ ਸ਼ਕਤੀ ਕਰਾਫ਼ਟ ਮੇਲੇ ਦੌਰਾਨ ਵੱਡੀ ਗਿਣਤੀ ਵਿੱਚ ਆਉਣ ਵਾਲੀ ਭੀੜ ਨੂੰ ਸੁਚਾਰੂ ਢੰਗ ਨਾਲ ਸੰਭਾਲਣ ਲਈ ਪਟਿਆਲਾ ਟ੍ਰੈਫਿਕ ਪੁਲਿਸ ਨੇ ਤਿੰਨ ਵੱਖ-ਵੱਖ ਪਾਰਕਿੰਗ ਸਥਾਨ ਨਿਰਧਾਰਤ ਕੀਤੇ ਹਨ। ਇਹ ਪਾਰਕਿੰਗ ਸਥਾਨ ਹਨ:
- ਪਾਰਕਿੰਗ 1: ਡਾਕਲਾ ਚੁੰਗੀ ਟੀ-ਪੁਆਇੰਟ (ਸ਼ੀਸ਼ ਮਹਲ ਦੇ ਪਿੱਛੇ)
- ਪਾਰਕਿੰਗ 2: ਸੰਜੇ ਕਾਲੋਨੀ ਰੋਡ (ਮਹਿੰਦਰਾ ਕਾਲਜ ਦੇ ਸਾਹਮਣੇ)
- ਪਾਰਕਿੰਗ 3: ਸਰਕਾਰੀ ਮਹਿੰਦਰਾ ਕਾਲਜ ਦਾ ਪਾਰਕਿੰਗ ਖੇਤਰ
ਐਸਪੀ ਟ੍ਰੈਫਿਕ ਐਚ.ਐਸ. ਮਾਨ ਅਤੇ ਡੀਐਸਪੀ ਪੁਨੀਤ ਸਿੰਘ ਚਾਹਲ ਨੇ ਦੱਸਿਆ ਕਿ ਐਸਐਸਪੀ ਵਰੁਣ ਸ਼ਰਮਾ ਦੇ ਨਿਰਦੇਸ਼ਾਂ ਅਧੀਨ ਟ੍ਰੈਫਿਕ ਪੁਲਿਸ ਨੇ ਮੇਲੇ ਵਾਲੇ ਇਲਾਕੇ ਵਿੱਚ ਟ੍ਰੈਫਿਕ ਨੂੰ ਸੁਚਾਰੂ ਰੱਖਣ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਹਨ। ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਨਗਰ ਨਿਗਮ ਦੇ ਸਹਿਯੋਗ ਨਾਲ ਵਨ-ਵੇ ਟ੍ਰੈਫਿਕ, ਨੋ ਪਾਰਕਿੰਗ ਜ਼ੋਨ ਅਤੇ ਗਲਤ ਪਾਰਕਿੰਗ ‘ਤੇ ਗੱਡੀ ਟੋਅ ਕਰਨ ਦੀ ਵਿਵਸਥਾ ਵੀ ਲਾਗੂ ਕੀਤੀ ਗਈ ਹੈ।
watch….Paws & Heritage Unite! All Breed Shows Steal the Spotlight
ਪੁਲਿਸ ਅਧਿਕਾਰੀਆਂ ਅਨੁਸਾਰ ਮੁੱਖ ਰੂਟਾਂ ‘ਤੇ ਇਹ ਪ੍ਰਬੰਧ ਲਾਗੂ ਹੋਣਗੇ:
- ਐਨਆਈਐਸ ਚੌਂਕ ਤੋਂ ਡਾਕਲਾ ਚੁੰਗੀ ਟੀ-ਪੁਆਇੰਟ ਰਾਹੀਂ ਵੱਡੀ ਨਦੀ ਬੰਨ੍ਹਾਂ ਰੋਡ ਤੱਕ ਵਨ-ਵੇ ਟ੍ਰੈਫਿਕ, ਨੋ ਪਾਰਕਿੰਗ ਅਤੇ ਗਲਤ ਪਾਰਕਿੰਗ ‘ਤੇ ਟੋਅ।
- ਡਾਕਲਾ ਚੁੰਗੀ ਟੀ-ਪੁਆਇੰਟ ਤੋਂ ਐਨਆਈਐਸ ਦੇ ਪਿੱਛੇ ਵੱਲ ਡਾਕਲਾ ਰੋਡ ਚੌਂਕ ਤੱਕ ਵੀ ਇੱਕ-ਤਰਫਾ ਰੂਟ।
ਆਉਣ ਵਾਲੇ ਵਾਹਨ ਚਾਲਕਾਂ ਲਈ ਨਿਰਦੇਸ਼:
- ਐਨਆਈਐਸ ਚੌਂਕ ਤੋਂ ਅੱਪਰ ਮਾਲ ਰੋਡ ਜਾਂ ਲੋਅਰ ਮਾਲ ਰੋਡ ਰਾਹੀਂ ਆਉਣ ਵਾਲੇ ਵਾਹਨ ਚਾਲਕ ਵਨ-ਵੇ ਰੂਟ ਦਾ ਪਾਲਣ ਕਰਦੇ ਹੋਏ ਸ਼ੀਸ਼ ਮਹਲ ਦੇ ਮੁੱਖ ਦਰਵਾਜ਼ੇ ਤੱਕ ਪਹੁੰਚ ਸਕਣਗੇ।
- ਉੱਥੋਂ ਡਾਕਲਾ ਚੁੰਗੀ ਟੀ-ਪੁਆਇੰਟ ‘ਤੇ ਸੱਜੇ ਮੁੜ ਕੇ ਪਾਰਕਿੰਗ 1 (ਸ਼ੀਸ਼ ਮਹਲ ਪਿੱਛੇ ਡਾਕਲਾ ਰੋਡ ‘ਤੇ) ਜਾਂ ਖੱਬੇ ਮੁੜ ਕੇ ਪਾਰਕਿੰਗ 2 (ਸੰਜੇ ਕਾਲੋਨੀ ਰੋਡ) ਵਿੱਚ ਗੱਡੀ ਖੜ੍ਹੀ ਕਰ ਸਕਦੇ ਹਨ।
- ਵਧੀਕ ਵਿਕਲਪ ਵਜੋਂ ਸਰਕਾਰੀ ਮਹਿੰਦਰਾ ਕਾਲਜ ਦੀ ਪਾਰਕਿੰਗ ਵੀ ਦਰਸ਼ਕਾਂ ਲਈ ਖੁੱਲ੍ਹੀ ਰਹੇਗੀ।
ਆਮ ਆਵਾਜਾਈ ਵਾਲੇ ਨਾਗਰਿਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਐਨਆਈਐਸ ਚੌਂਕ ਤੋਂ ਸ਼ੀਸ਼ ਮਹਲ ਵੱਲ ਜਾਂ ਡਾਕਲਾ ਚੁੰਗੀ ਤੋਂ ਵੱਡੀ ਨਦੀ ਬੰਨ੍ਹਾਂ ਰੋਡ ਅਤੇ ਅੰਦਰੂਨੀ ਡਾਕਲਾ ਰੋਡ ‘ਤੇ ਗੁਰੇਜ਼ ਕਰਨ। ਘਲੌੜੀ ਗੇਟ ਵੱਲੋਂ ਆਉਣ ਵਾਲੇ ਲੋਕ ਵੱਡੀ ਨਦੀ ਬੰਨ੍ਹਾਂ ਬਾਹਰੀ ਰੋਡ ਰਾਹੀਂ ਹੀ ਡਾਕਲਾ ਰੋਡ ਜਾਂ ਸੂਲਰ ਰੋਡ ਵੱਲ ਜਾ ਸਕਦੇ ਹਨ।
ਇਹ ਪ੍ਰਬੰਧ ਮੇਲੇ ਦੌਰਾਨ ਟ੍ਰੈਫਿਕ ਜਾਮ ਤੋਂ ਬਚਾਅ ਅਤੇ ਸੁਰੱਖਿਅਤ ਆਵਾਜਾਈ ਯਕੀਨੀ ਬਣਾਉਣ ਲਈ ਕੀਤੇ ਗਏ ਹਨ। ਦਰਸ਼ਕਾਂ ਨੂੰ ਨਿਰਧਾਰਤ ਪਾਰਕਿੰਗਾਂ ਦੀ ਵਰਤੋਂ ਕਰਨ ਅਤੇ ਟ੍ਰੈਫਿਕ ਪੁਲਿਸ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਦੀ ਅਪੀਲ ਕੀਤੀ ਗਈ ਹੈ।
